XX. mendeko Euskararen Corpus estatistikoa
Testuingurua
Ikastolen manifestaldia.MANIFESTAZIOARA hotsegin didate ikastolek.
Egia esan, zalea banintzen ere aspertuxea naiz honelako agerraldiekin.
Leihatila bakarreko gela ilunean sortu eta osatu zen gizakia txokoa maitatzen hasten da berriro, gaztealdiko zalapartek eta ezin-egonek okiturik.
Hala ere, oraingoan ez nuke hutsegin nahi.
Euskal Herriak behar duen eskola aldarrikatzeko denez, ez nuke neure oponioa jendaurrean azaldu gabe geratu nahi, gero eta maiteagoa dudan etxe-txokoan izkutaturik.
Manifestaldiak, sua, kea, txikizioa, gogorkeria, arriskuak, zaurituak eta hildakoak ere berekin ditu, zoritxarrez, askotan.
Bakezkoa izango dela agindu zaigu.
Ez dela inoren kontrakoa esan zaigu.
Euskal Eskola Publiko berriaren eta ikastolen etorkizun argiaren alde elkartasunaren indarra erakusteko dela, alegia.
Protesta bortitzeko manifestaldiak egiten edo ikusten ohitua dagoen herri honetan ez da erraza kantu, soinu eta festazko biltzar eta ibili bat manifestalditzat hartzea.
Prozesiotzat hartuko du batek baino gehiagok, estandarteak eta kantuak hantxe ikusten eta entzuten bait ziren.
Edo errogatibatzat, estandarte eta kantuez gainera, gaitzak uxatzeko eta uzta ona eskuratzeko eskarien letani-marmar burrundatsua entzungo bait da.
Nik noski, besteak beste, premia larri bat daramat Bilbora.
Eta
M. Atxaga.